BRUTIO NATUS PATER HIC BEATUS

PAULA QUEM MUNDO PEPERIT RUENTE

QUEMQUE MIRACLIS RETINET CORUSCUM

GALLICA TELLUS.

MALUIT TERRIS HUMILIS VIDERI

REBUS IN CUNCTIS MINIMUSQUE DICI

COELSUS UT TANDEM SUPERUM CATERVIS

ESSET OLYMPI.

HINC SUOS OMNES MINIMOS VOCARI

CENSUIT FRATRES HUMILES UT ESSENT

AC BEATORUM VALEANT ET IPSI

CAETIBUS ADDI.

AD SUUM DEMUM TUMULUM FREQUENTER

LANGUIDIS CUNCTIS TRIBUIT MEDELAM.

SAEPIUS CONFERT MISERIS ROGATUS

DONA SALUTIS.

HINC VIDENT CAECI, GRADITURQUE CLAUDUS,

LAETUS AUDITUM CAPIT ATQUE SURDUS,

MORTUI SURGUNT, RECIPITQUE MUTUS

ORGANA VOCIS.

GRATIAS TRINO PERAGANT ET UNI

IAM DEO CUNCTI PARITER FIDELES

QUI BEAT IUSTOS HUMILESQUE MENTE

TOLLIT AD ASTRA.

AMEN.

Last modified: Thursday, 23 November 2017, 2:29 PM